နိုင်ငံတော်ပရိယတ္တိသာသနာ့တက္ကသိုလ် (မန္တလေး) သည် မြန်မာနိုင်ငံ၊ မန္တလေးမြို့တွင် တည်ရှိသည့် ဗုဒ္ဓဘာသာတက္ကသိုလ်တစ်ခု ဖြစ်သည်။ ရဟန်းသံဃာများကို ပိဋကတ်၊ ပါဠိ၊ မြန်မာစာနှင့် သာသနာပြုလုပ်ငန်းများကို သင်ကြားပေးလျက်ရှိသည်။ တက္ကသိုလ်ကို ၁၉၈၆ ခုနှစ်၊ ဩဂုတ်လ၊၂၁ ရက်နေ့တွင် ဖွင့်လှစ်ခဲ့သည်။ တက္ကသိုလ်မှ Bachelor of Arts (သာသနတက္ကသီလဓမ္မာစရိယ)၊ Master of Arts (သာသနတက္ကသီလမဟာဓမ္မာစရိယ)၊ Ph.D (သာသနတက္ကသီလဓမ္မပါရဂူ) စသည့် ဘွဲ့ဒီဂရီများကို ပေးအပ်သည်။ ၂၀၁၈ ခုနှစ်တွင် ဗုဒ္ဓဘာသာရဟန်းများအား ဘွဲ့ပေါင်း ၅၁ ခု ပေးအပ်ခဲ့ပြီး ဖြစ်သည်။